خوان ماتای یاریزانی یانه‌ی چێڵسی ئینگلیزی گوتی رووبه‌رِووبوونه‌وه‌ی بایرن میونشنی ئه‌ڵمانی له‌ یاری كۆتایی خولی یانه‌ پاڵه‌وانه‌كانی ئه‌وروپا، زۆر قورستر ده‌بێت له‌ یاریكردن به‌رامبه‌ر به‌رشه‌لۆنه‌ و ریال مه‌درید كه‌ پاڵه‌وانیه‌تییه‌كه‌یان جێهێشت.
به‌رشه‌لۆنه‌ له‌سه‌رده‌ستی چێڵسی و ریال مه‌درید له‌سه‌ر ده‌ستی بایرن میونشن چوونه‌ ده‌ره‌وه‌ی خولی یانه‌ پاڵه‌وانه‌كانی ئه‌وروپا.
ماتا قورسیی یارییه‌كه‌ی بۆ هێزی بایرن میونشن گێرِایه‌وه‌ به‌ تایبه‌ت كه‌ ئه‌و یانه‌یه‌ له‌ پاڵه‌وانیه‌تییه‌كه‌دا ئاستێكی به‌رزی پێشاندا و گوتی یاریكردن له‌سه‌ر یاریگای ئه‌لیانز ئه‌رینا كه‌ یاریگای بایرنه‌ ده‌بێته‌ كارێكی قورس بۆ ئێمه‌ و هه‌موو كه‌سێكی تریش.
یاری كۆتایی خوله‌كه‌ له‌ رۆژی 25ی ئایاری داهاتوو ئه‌نجام ده‌درێت و پێشبینی ده‌كرێ یانه‌ی بایرن میونشن به‌ ئاسانی نازناوه‌كه‌ به‌ده‌ست بێنێت.