واین روونی هێرشبەری یانەی مانچستەر یونایتدی ئینگلیزی گوتی قسەكردن لە هێشتنەوەی نازناوی خولی ئینگلیزی لای یانەی مانچستەر یونایتد تەنیا ئەو كات دروستە كە یاری دێربی بەرامبەر مانچستەر ستی كۆتایی هاتبێت.
هەردوو یانە رۆژی دووشەمەی داهاتوو لەسەر یاریگای ئیمارات بەیەك دەگەن و ئەنجامی ئەو یارییە چارەنووسی خولی ئەمساڵی پریمەرلیگ یەكلا دەكاتەوە.
مانچستەر یونایتد بە جیاوازی 3 خاڵ لە پێش مانچستەر ستییەوەیە لە ریزبەندی خولی ئینگلیزیدا.
روونی لە لێدوانی بۆ رۆژنامەی دەیلی ستار گوتی یاری دێربی یاری كۆتایی خولی ئەمساڵی پریمەرلیگە.
هەروەها گوتی هەموو شتێك بەپێی ئەنجامی ئەو یارییە دەست نیشان دەكرێت، بردنەوەی ئەو یارییە واتای بردنەوەی پریمەرلیگ بۆ ئێمە، خۆ گەر بدۆڕێین ئەوە مانای وایە ئێمە خۆمان كۆمەڵێك گرێ و كێشە كردووە و دەبێ تا وەرزەكە كۆتایی دێت بەدوایەوە بین بۆ ئەوەی چارەسەری بكەین.