كەریم بنزیمە بووە باشترین گۆڵكەری فەرەنسی لە مێژووی یانەی ریال مەدریدا دوای ئەوەی كۆی گۆڵەكانی لەگەڵ ئەو یانەیە گەیاندە 51 گۆڵ بە تۆماركردنی 2 گۆڵ لە یانەی گەرناتە لە چوارچێوەی خولی ئیسپانی.
بنزیمە بەسەر زینەدین زێدانی ئەفسانەدا سەركەوت كە لە مێژووی یاریكردنی لەگەڵ ریال مەدرید 49 گۆڵی تۆمار كردووە.
بنزیمە لە ناوەڕاستی هەفتەی رابردوودا ژمارەی گۆڵەكانی لەگەڵ زیزۆدا یەكسان كردەوە دوای ئەوەی گۆڵی بردنەوەی یانەكەی لە مەلەگە لە قۆناخی شازدەی جامی شای ئیسپانیادا تۆمار كرد.
بنزیمە لە 29ی ئابی 2009 یەكەم یاری خۆی لەگەڵ ریال مەدرید ئەنجامدا و یەكەم گۆڵی بۆ ئەو یانەیە لە 20ی ئەیلوول لە گۆڵی یانەی خێرێس لە یاریگای سانتیاگۆ برنابیۆ تۆمار كرد.
لەو كاتەوەی ئەو یاریزانە لە ریزی یانەی شاهانەیە تا ئێستا 33 گۆڵی لە لیگا و 6 گۆڵی لە جامی شای ئیسپانیا و 11 گۆڵی لە خولی یانە پاڵەوانەكانی ئەوروپا و گۆڵێكی لە جامی سوپەری ئیسپانیدا تۆمار كردووە.