یانەی ریال مەدریدی ئیسپانی لە بەیاننامەیەكی فەرمیدا رایگەیاند، یاریزانی هێلی بەرگری یانە سێرجیۆ رامۆس تووشی پێكان هاتووە و بۆ ماوەی سێ هەفتە لە یاریگاكان دوور دەكەوێتەوە، رامۆس لە یاری یانەكەی بەرامبەر یانەی سیڤیلیا لە خولی ئیسپانیا كە تیایدا یانەی شاهانە بە ئەنجامی (6-2) گۆڵ سەركەوتنی بەدەست هێنا تووشی پێكان هاتووە لە ماسولكەكانی و پێویستی بە پشوودان هەیە بۆ ماوەی سێ هەفتە تا ئەو كاتەی دەتوانێ جارێكی دیكە بەشداری لە یارییەكان بكاتەوە.
یانەی ریال مەدرید كۆتایی بە یارییەكانی خۆی هێناوە لە خولی ئیسپانیا لە ساڵی 2011 بۆیە دەرفەت لە بەردەم راموس هەیە بۆ ئەوەی چاك بێتەوە و بگەڕێتەوە بۆ ریزی یانەكەی بۆ بەشداریكردن لە دوای پشووی سەری ساڵ بەڵام بەشداریكردنی لە یاری یانەكەی بەرامبەر یانەی گەرناتە لە هەفتەی 18ی خولی ئیسپانیا جێگای گومانە.
