كلاس یان هۆنتلاری هێرشبەری یانەی شالكەی ئەڵمانی دووپاتی كردەوە هیچ شتێك لەبارەی چوونە ریزی یانەی مانچستەر یونایتدی ئینگلیزییەوە ناهێنێت.
هۆنتلار كە گۆڵكەری پاڵاوتنەكانی یۆرۆی 2012یە لەگەڵ هەڵبژاردەی هۆڵەندا لە چاوپێكەوتنی گۆڤاری فۆتبۆلدا گوتی هیچ زانیارییەكم لەبارەی بایەخدانی یانەی مانچستەر یونایتدەوە نییە.
سەرچاوە رۆژنامەوانییەكان پێشتر ئاشكرایان كردبوو یانەی مان یو بایەخ بە كڕینی هۆنتلار دەدات لە ماوەی گواستنەوەی زستانەی ئەمساڵدا.
ئەو هێرشبەرە گوتی ئێستا تەنیا بیر لە شالكە دەكەمەوە و نامەوێ بەجێی بێڵم، هەروەها هەموو دەستەوارەكان دەخەمە لاوە و ئەمە هەڵوێستی منە لە ئێستادا.
هۆنتلار گوتی گرێبەستی من لەگەڵ شالكە لە 2013 كۆتایی دێت و لە ئێستاوە دەڵێم خۆشحاڵ دەبم ئەگەر ئەو یانەیە بیەوێ باس لە نوێكردنەوەی گرێبەستەكەمان بكەین.
لە وەرزی ئەمساڵدا هۆنتلار تا ئێستا 26 گۆڵی بۆ شالكە لە سەرجەم پاڵەوانیەتییەكاندا تۆمار كردووە.