پێش بەرێوەچوونی یاری كلاسیكۆ لە نێوان هەردوو یانەی بەرشلۆنە و ریال مەدرید گشت پێشبینیەكانی گەورە رۆژنامەكانی ئیسپانیا ئەوەبوو، كە لە وەرزی ئەمساڵ یانەی ریال مەدرید نازناوی لالیگا بە دەست دەهێنێت و تیپی ئەمساڵ زۆر بەهێزترە لە ساڵانی رابردوو، بەڵام دوای تەواوبوونی یاری كلاسیكۆ و سەركەوتنی یانەی بەرشلۆنە بە ئەنجامی (3-1) گۆڵ گشت ئەم پێشبینانەی پوچەڵ كردووە و بیروبۆچوونەكان 180 پلە گۆرا، بە پێی دوایین راپرسی، كە هەردوو رۆژنامەی ماركا و ئاس ئیسپانی ئەنجامیان داوە زۆربەی بەشداربووەكانی ئەم راپرسییە پێشبینی دەكەن لە وەرزی ئەمساڵ یانەی بەرشلۆنە ببێتە پاڵەوانی لالیگا، لە راپرسی رۆژنامەی ماركا-ی نزیك لە یانەی ریال مەدرید لە 65% پێیان وایە یانەی بەرشلۆنە دەبێتە پاڵەوان و لە 35% پێیان وایە یانەی ریال مەدرید نازناوەكە بە دەست دەهێنێت.