لە هەرێمی كوردستان یاری جۆدۆ پێشڤە چوونێكی بەرچاوی بەخۆی بینیووە، هەر بۆیە ئێمەش بەباشمانزانی چاوپێكەوتن لەگەڵ بەڕێز عەبدولخالق عەلی سەرۆكی یەكێتی جۆدۆی هەولێر بكەین.



*بەرنامەی تازەتان چییە؟
- بەرنامەی زۆرمان لەبەردەستدایە لەوانە بەشداریكردن لە خولەكانی عێراق و دەرەوە و بەشداریكردن و كردنەوەی خولی جۆراوجۆر لە راهێنەرایەتی و ناوبژیوانی لەسەر ئاستی كوڕان وكچان .
* ئەنجامە باشەكانتان چین ؟
- پلەی دووەم لەسەر ئاستی كوردستان لەسەر ئاستی لاوان كە لەشاری سلێمانی ئەنجامدرا لە 25/7/2011
- پلەی یەكەم كە لەشاری دهۆك لە 11/11/2011 ئەنجامدرا
- بەدەستهێنانی چوار میدالیا لە وڵاتی ئێران لەسەر ئاستی كچان كە بەناوی یانەی ئارارات بەشداریمان كرد .
* لە ئاستی یاری جۆدۆ رازیت ؟
- بەراستی ئاستی ئەو یارییە باشە وەك ئەوەی كە تازە سەری هەڵدابێ. دەتوانم بڵێم شاری هەولێر لە پێشەنگی كوردستان دێت و ئاستی زۆر باشە .
* هۆڵی تایبەتیتان هەیە ؟
- بەڵێ لە هەولێر دوو هۆڵی تایبەتیمان هەیە، یەكێكیان لەبەرامبەر هۆڵی زەرد و ئەوی تریان لە بنكەی وەرزش و لاوانی هەولێر لە شوقەكانی هانا ستی و سوپاسیان دەكەین كە هاوكاریمان دەكەن .
* تا چەند دەزگا وەرزشییەكان هاوكاریتان دەكەن ؟
- ئەوەی هاوكاریمان دەكات، نووسینگەی یانە و یەكێتییەكانە، هەروەها حاجی هێرش تەیار و كاك تاهیر سابیر هاوكارییەكی تەواومان دەكەن .
* تیپی تایبەت بە كچانتان هەیە ؟
- بەڵی تیپێكی زۆر باشمان هەیە .
* ئەنجامیان تا چەند دڵخۆشكەرە؟
- تیپەكەمان تازەیە، تەنها یەك بەشداریمان كردووە، ئەویش لە وڵاتی ئێران كە چوار میدالیامان هێناوە .
* چی بكرێ باشە بۆ پێشڤە چوونی ئەم یارییە ؟
- كردنەوەی هۆڵ لە شار وشارۆچكەكانی كوردستان .
- كردنەوەی بەردەوام بۆ ڕاهێنەران و ناوبژیوانان لە دەردەوەی وڵات. هیواداریشم كچان و كوڕان روو بكەنە ئەو یارییە و هۆڵەكان ئاوەدان بكەنەوە.