رۆژنامەی دەیلی میلی بەریتانی ئاشكرای كرد یانەی مانچستەر یونایتدی ئینگلیزی لەسەر داوای سێر ئەلێكس فێرگسۆن بڕیاری داوە لە مانگی داهاتوودا 60 ملیۆن پاوەند بۆ كڕینی 3 یاریزان خەرج بكات.
رۆژنامەكە ئاشكرای كردووە ئەو 3 یاریزانە مەبەستی فێرگسۆنن لە ماوەی گواستنەوەی زستانەی ئەمساڵ و یانەكە 60 ملیۆن پاوەندی تەرخانكردووە بۆ جێبەجێكردنی داواكارییەكانی راهێنەرەكەی.
دەیلی میل دەڵێ ئەو 3 یاریزانەی فێرگسۆن داوای كردوون بریتین لە شێخ تویتی یاریزانی ناوەڕاستی یانەی نیوكاسڵ كە تەمەنی 25 ساڵە، هەروەها كریستیان ئیریكسنی یاریزانی لاوی یانەی ئەیاكس ئەمستردامی هۆڵەندی و ئیكسزیردن شاكیری یاریزانی یانەی بازڵی سویسری.
شاكیری رۆڵی گەورەی هەبوو لە كردنەوە دەرەوەی مانچستەر یونایتد لە خولی یانە پاڵەوانەكانی وەرزی ئەمساڵ.
لە سەرەتای ساڵەوە مان یو بەدەست نەبوونی پلەی مەیكەرێكی باشەوە دەناڵێنێت و ئێستا یانەكە دەیەوێ لە ماوەی گواستنەوەی زستانەدا ئەو كێشەیەی چارەسەر بكات.