سەرچاوە رۆژنامەوانییەكانی ئینگلتەرا ئاشكرایان كرد یانەی لیڤەرپوولی ئینگلیزی بایەخ بە گرێبەستكردن لەگەڵ مەسعوود ئۆزێلی پلەی مەیكەری یانەی ریال مەدریدی ئیسپانی دەدات.
ماڵپەری رۆژنامەی پیپۆلی ئینگلیزی گوتی راهێنەری یانەی ریال مەدرید داوای لە ئۆزێل كردووە ئاستی خۆی باش بكات، ئەگەرنا ناچاردەبێت بیخاتە لیستی یاریزانە فرۆشراوەكانی یانەكەوە.
بەپێی ماڵپەرەكە لیڤەرپوول بە وردی چاودێری دۆخی ئۆزێل لە ریال مەدرید دەكات و چاوەڕێیە هەلی راستەقینەی بۆ بڕەخسێت بۆ ئەوەی دەستەوارەیەكی باش پێشكەشی یانەی شاهانە بكات بۆ كڕینی ئۆزێلی تەمەن 23 ساڵ.
هەفتەی پێشوو رۆژنامەی ماركای ئیسپانی ئاشكرای كرد ناكۆكی زۆر لە نێوان مۆرینۆ و ئۆزێلدا هەیە، ئەمەش بەهۆی دابەزینی ئاستی ئەو یاریزانە لە ماوەی رابردوودا كە رەنگدانەوەی لەسەر ئاستی تیپەكە هەبووە لە یارییەكاندا.
جیا لە لیڤەرپوول یانەی یۆڤنتۆسی ئیتاڵیش بە هەمان شێوە بایەخ بە گرێبەستكردن لەگەڵ ئۆزێل دەدات.