جۆزێ مۆرینۆی راهێنەری یانەی ریال مەدریدی ئیسپانی دووپاتی كردەوە گۆنزالۆ هیگواینی هێرشبەری ئەرجەنتینی بۆ فرۆشتن نییە و ئامادە نییە بیفرۆشێتە یانەی چێڵسی كە ئەندرێ ڤیلاش بواشی یاریدەدەری پێشووی راهێنەرایەتی دەكات.
رۆژنامەی دەسلی ستاری ئینگلیزی ئاشكرای كرد یانەی چێڵسی دەستەوارەیەكی پێشكەشی ریال مەدرید كردووە بە بڕی 30 ملیۆن پاوەند بۆ دەستبەرداربوون لە هیگواین كە لە پێكهاتەی ریال مەدریدا یاریزانێكی سەرەكی نییە، بەڵام مۆرینۆ رەتی كردووەتەوە بە هیچ نرخێك هیگواین بفرۆشێت.
بەپێی رۆژنامەكە بواش دوای بێئومێدبوون لە گەڕانەوەی فرناندۆ تۆرێس بۆ ئاستی جارانی خۆی، بڕیاری داوە لە زستانی ئەمساڵدا ئەو هێرشبەرە ئیسپانییە بفرۆشێت و لە بەرامبەردا هیگواینی 24 ساڵ بباتە ریزەكانی خۆیەوە.
دەیلی میل دەڵێ هێزی كەسایەتی مۆرینۆ و سووربوونی لەسەر مانەوەی هیگواین، یانەی چێڵسی ناچار دەكات بە دوای هێرشبەرێكی تردا بگەڕێت.