یەكێتیی تۆپی پێی كامیرۆن سزای ساموێل ئیتۆی هێرشبەری هەڵبژاردەكەی دا بە راگرتنی بۆ ماوەی 15 یاری.
یەكێتییەكە ئاشكرای كرد ساموێل ئیتۆی هێرشبەری هەڵبژاردەكە و یانەی ئینجی ماخاشكالای رووسی سزا داوە بە راگرتن بۆ ماوەی 15 یاری بەهۆی هاندانی یاریزانانی هەڵبژاردەی كامیرۆنەوە بۆ گەشت نەكردن بۆ جەزائیر بۆ ئەنجامدانی یارییەكی دۆستانە لەگەڵ ئەو هەڵبژاردەیە لە نۆڤەمبەری رابردوودا.
یەكێتییەكە لە بڵاوكراوەیەكی خۆیدا لەسەر ماڵپەری یەكێتییەكە گوتی هەروەها بڕیاری راگرتنی ئایۆنگ ئینۆ تاكانجی جێگری ئیتۆی داوە بە راگرتن بۆ ماوەی دوو یاری بەهۆی نارێكوپێكییەوە.
ئەو دوو یاریزانە دەتوانن لە ماوەی 10 رۆژدا داوای تێهەڵچوونەوەی بڕیاری یەكێتییەكە بكەن و ئەگەر بڕیارەكە وەك خۆی بمێنێتەوە ئەوا ئەگەری زۆر هەیە ئیتۆ بەشداری جامی نەتەوەكانی ئەفەریقا نەكات كە سەرەتای ساڵی داهاتوو ئەنجام دەدرێت.