لویس ئەلڤارۆی سەرۆكی یانەی سانتۆسی بەرازیلی رەتی كردەوە لە هاوینی داهاتوودا نیمار دا سیلڤای هێرشبەری یانەكەی پەیوەندی بە یانەی بەرشەلۆنەی ئیسپانییەوە بكات.
سەرۆكی سانتۆس كە ئێستا لە ژاپۆنە بۆ ئامادەبوونی یاری كۆتایی مۆندیالی یانەكان لە نێوان هەردوو یانەی سانتۆس و بەرشەلۆنە گوتی نیمار سانتۆس جێناهێڵێ و پابەند دەبێت بە گرێبەستەكەی خۆیەوە كە لە دوای مۆندیالی 2014 كۆتایی دێت.
هەروەها گوتی ئەو یاریزانە خۆی بڕیاری داوە تا ئەو وادەیە لە سانتۆس بمێنێتەوە و نەڕوات.
هەروەها گوتی دوای تەواوبوونی گرێبەستەكەی لە 2014 ئەوكات خۆی بڕیار دەدات دەچێتە بەرشەلۆنە یان ریال مەدرید.