لە وڵاتی ژاپۆن یارییەكانی مۆندیالی یاری تۆپی بالە كۆتایی هات و هەڵبژاردەی روسیا نازناوەكەی بەدەست هێنا، لەو كاتەی پلەی دووەم بۆ هەڵبژاردەی پۆلەندا بوو، هەڵبژاردەی بەرازیلیش كە پاڵەوانی دوو مۆندیالی رابردوو بوو تەنها پلەی سێیەمی بەركەوت، یارییەكانی مۆندیالی بالە بە بەشداری 12 هەڵبژاردە ئەنجامدراو یارییەكانی بە شێوازی خول بەڕێوەچوو تیایدا سەرجەم هەڵبژاردەكان لە گەڵ یەك یارییان كرد و لە دوای ململانێیەكی بە هێز هەڵبژاردەی روسیا توانی بە كۆكردنەوەی 29 خاڵ ببێتە پاڵەوان، هەرسێ هەڵبژاردەی روسیا و پۆلەندا و بەرازیل یەكەم و دووەم و سێیەمی مۆندیال بە شێوەیەكی راستەخۆ بەشداری لە یارییەكانی ئۆلۆمپیادی لەندەن 2012 دەكەن بە بێ یاری پاڵاوتن .
ریزبەندی كۆتایی هەڵبژاردە بەشدارابووەكان لە مۆندیالی بالە بەم شێوەیە بوو:
1 – روسیا 29 خاڵ 2 – پۆلەندا 26 خاڵ 3 – بەرازیل 24 خاڵ 4 – ئیتالیا 24 خاڵ 5 – كوبا 20 خاڵ
6 – ئەمریكا 16 خاڵ 7 – ئەرژەنتین 16 خاڵ 8 – سڕبیا 15 خاڵ 9 – ئیران 12 خاڵ 10 – ژاپۆن 8 خاڵ، 11 – چین 5 خاڵ 12 – میسر 3 خاڵ