تێری هێنری یاریزانی پێشووی یانەی ئەرسناڵی ئینگلیزی گوتی بوونی ڤان پێرسی لە یانەی ئەرسناڵ توانایەكی گەورەی بە تیپەكە بەخشیوە.
هەروەها گوتی من بە ڤان پێرسی سەرسامم، لە بەخت باشیی ئەرسناڵە ئەو هێرشبەرە لەو یانەیەیە و ئەو بە شێوازێكی باش یاری دەكات و خۆشحاڵ دەبم كە دەبینم پێرسی رۆژ بە رۆژ گەشە دەكات و بەرەو پێش دەچێت.
هێنری كە بە ئەفسانەی ساڵانی دوایی ئەرسناڵ دادەنرێت گوتی ئێستا ڤان پێرسی بە شێوەیەكی بەرچاو دەركەوتووە، چونكە ئەو ئێستا كاپتنی تیپەكەیە و پێشەوایەتی دەكات بۆ بردنەوەی بەردەوام.
لە سەرەتای وەرزی ئەمساڵ و دوای رۆیشتنی سیسك فابریگاس و سەمیر نەسری، یانەی ئەرسناڵ دووچاری زنجیرەیەك ئەنجامی خراپ هات، بەڵام یانەكە توانی هاوسەنگیی وەربگرێتەوە و ڤان پێرسی رۆڵی گەورەی هەبوو لە پێشەوایەتیكردنی یانەكەی بۆ هەڵكشان بەرەو ریزی یانەكانی پێشەنگی خولەكە.