جەماوەری یانەی ریال مەدرید وەك ناڕەزاییەك بەرامبەر كریستیانۆ رۆناڵدۆ لە بەرامبەر ئاستی خراپی لە یاری كلاسیكۆ و لە دەستدانی چەندین گۆڵی ئاسان لەو یارییەدا، ئاڵای سپییان بەرووی ئەو یاریزانەدا بەرز كردەوە.
رۆژنامەی ماركای ئیسپانی ئاشكرای كرد هاندەرانی یانەی ریال مەدرید لە كاتی یارییەكەی شەوی رابردووی نێوان ریال مەدرید و بەرشەلۆنە و كاتێك ئەنجامی یارییەكە بووە 3-1 ئاڵای سپییان دژی رۆناڵدۆ بەرز كردەوە و توڕەیی خۆیان لەو یاریزانە نەشاردەوە و هەر كاتێك تۆپی وەربگرتایە هوی هایان لێدەكێشا.
رۆژنامەكە لە یەكێك لە هاندەرانی یانەكەی گواستەوە كە دەڵێ هەر كاتێك رۆناڵدۆ بەرامبەر بەرشەلۆنە یاری دەكات هەمان شت دووبارە دەكاتەوە، ئەو لەو یارییانەدا مێشكی لە شوێنێكی ترە.
رۆژنامەكە هەروەها روونی كردووەتەوە كە رۆناڵدۆ هاندەرانی یانەكەی بێ ئومێد كرد بەهۆی لە دەستدانی ئەو هەموو هەلە ئاسانەوە كە لە یارییەكەدا بۆی رەخسا و نەیتوانی گۆڵ تۆمار بكات، هەر ئەوەش وای لێكردن لە كۆتایی یارییەكەدا بە ئاڵای سپی بەڕێی بكەن بۆ دەرەوەی یاریگا.