مێرمنداڵێكی ئەنگۆلی باوكی خۆی بە فیشەك كوشت دوای ئەوەی لەسەر یاری كلاسیكۆی نێوان بەرشەلۆنە و ریال مەدرید جیاوازی و كێشە كەوتە نێوانیانەوە.
هەردوو یانەی بەرشەلۆنە و ریال مەدرید ئەمشەو لەسەر یاریگای سانتیاگۆ برنابیۆ بەیەك دەگەن.
ئاژانسی دەنگوباسی ئەنگۆلی بڵاوی كردەوە بەهۆی كلاسیكۆوە مێرمنداڵێك باوكی خۆی كوشتووە.
ئاژانسەكە لە زاری ئەفسەرێكی پۆلیسی گواستەوە كە لێكۆڵینەوەی لە رووداوەكە كردووە، ئەو مێرمنداڵە تەمەنی 17 ساڵە و لەگەڵ باوكیدا لەسەر یارییەكەی كلاسیكۆ دەمەقاڵێی بووە و دواتر دەمەقاڵێیەكە بووەتە شەڕی نێوان باوك و كوڕ و كوڕەكە لە ماڵەكەیاندا تفەنگێكی شك بردووە، بۆیە چووە هێناویەتی و دوو فیشەكی بە باوكی خۆیەوە ناوە و كوشتوویەتی.
پۆلیس هەروەها گوتی كوڕەكە چەكەكەی لەگەڵ خۆیدا بردووە و بۆ شوێنێكی نادیار هەڵهاتووە و تا ئێستا نەگیراوە.