سەرچاوە رۆژنامەوانییەكانی ئەمەریكا دووپاتیان كردەوە فرانك لامپاردی یاریزانی ناوەڕاستی یانەی چێڵسی ئینگلیزی پاڵێوراوی یەكەمە بۆ شوێنگرتنەوەی دیڤید بێكهامی یاریزانی یانەی لۆس ئەنجلۆس گالاكسی ئەمەریكی.
بەپێی ئەو راپۆرتانە یاریزانەكەی چێڵسی دەتوانێ شوێنی بێكهام بگرێتەوە و بۆ ئەوەش مووچەیەكی بەرچاو وەردەگرێت كە بریتییە لە 7 ملیۆن پاوەندی ساڵانە و ئەو مووچەیە لە مووچەی ئێستای لامپارد لە چێڵسی زیاترە.
راپۆرتەكان دەڵێن خاوەنی یانەی گالاكسی پێیان وایە لامپارد دەتوانێ درێژە بەو سەركەوتنە بدات كە بێكهام لە رووی دارایی و وەرزشییەوە پێشكەشی یانەكەی كرد.
ئێستا بێكهام بە تەواوی نزیك بووەتەوە لە یانەی پاریس سانجێرمانی فەرەنسی دوای ئەوەی سەرچاوە رۆژنامەوانییەكان دووپاتیان كردەوە ئەو یانەیە هەوڵی گرێبەستكردن لەگەڵ بێكهام دەدات