هەفتەی رابردوو لە هۆڵی داخراوەی بنەسڵاوە لە شاری هەولێر كۆتایی بە پاڵەوانێتی یانەكانی كوردستان بۆ كۆنفۆ هات، كە تیاییدا 18 یانە و 93 یاریزان بەشدارییان تیاییدا كردبوو، ئەویش هەریەكە لە یانەكانی ( پێشكەوتن، چوارقوڕنە، قەرەداغ، بەختیاریی، سەرچنار، بابەگوڕگوڕ، رانیە، كۆیە، تەق تەق، ئاشتی، داقوق، خاك، شۆریجە، جیهان، دهۆك، زێرەڤانی، ئارارات، پیرەمەگروون) و ماوەی سێ رۆژی خایاند.
لەم پاڵەوانێتییە یانەی قەرەداغ توانی نازناوی پاڵەوانێتییەكە بە دەستبهێنێت و پلەی یەكەم بۆ خۆی مسۆگەر بكات، دوای ركابەرییەكی بەهێز لە نێوان یانە بەشداربووەكان، ئەوەی تێبینی دەكرا ئاستی یاریزانەكان لەم پاڵەوانێتییە پێشكەوتوو بوو.
ئەنجامی كۆتایی پێشبركێكە بەمشێوەیە بوو.
1- یانەی قەرەداغ، 2- یانەی چوارقوڕنە، 3- یانەی بەختیاری.
جێگەی باسە ئەم پاڵەوانێتییە بەسەرپەرشتی یەكێتی كۆنفۆی كوردستان و بە هاوكاری لقی هەولێری یارییەكە بەڕێوەچوو و گشت خەرجییەكانیش لە لایەن لێژنەی ئۆڵۆمپی كوردستان دابین كرابوو.