لە بەیروتی پایتەختی لوبنان بە ئامادەبوونی نزیكەی 32 هەزار كەس، كە نوێنەرایەتی 82 وڵاتی جیهانیان دەكرد فیستیڤاڵی ماراسۆنی نێودەوڵەتی بەیروت لە ژێر ناونیشانی « وەرە شەقام و ڕابكە» ئەنجامدرا.
لەم ماراسۆنەدا هەریەكە لە هەڵبژاردەكانی (سلێمانی، دهۆك، كەركووك) و یانەكانی ( ئارارات، كەركووك، خاك، شۆریجە، سۆلاڤی نوێ، لەیلان، ئەرمەن، ئاشوور، ئاڵا، دوز، هاوكاری، كارەبا، باقووبە) و هەڵبژاردەی عێراق نوێنەرایەتی عێراقیان دەكرد لەم ماراسۆنەدا.
لە ماراسۆنەكەدا یاریزانەكان ركابەرییان لە 7 جۆرە پێشبڕكێ دەكرد، ئەویش ڕاكردن بۆ (10 ) كم، كە زۆربەی یاریزانە كوردەكان بەشداریان تێدا كرد تەنیا لەم ماوەیەدا نزیكەی 25 هەزار راكەر بەشدارییان تێدا كرد .
لە پێشبڕكێی ئەمساڵدا تەنیا پلەی یەكەم بۆ سێیەم هەژمار كراو بە پێی ڕاپۆرتی میدیا سەنتەری ماراسۆن لە ڕۆژانی داهاتوودا سەرجەم پلەكانی داهاتوو بڵاو دەكەینەوە لەم راكردندا هەریەكە لە ئارام و رەوەند لە پلەكانی 10تا 15 خۆیان بینیەوە هەروەها لەهەمان ماراسۆندا كچە یاریزان دالیا ئەحمەد توانی ژمارەی پێوانەیی خۆی بشكێنێت و پێشبڕكێكە بە ماوەی (47) خولەك تەواو بكات لە ریزبەندی 10 یاریزانی یەكەم بوو.
لە راكردنی (5)كم هەریەكە لە یاریزانانی هەڵبژاردەی عێراق كەرار حەمید و كەرار جەواد توانیان پلەی یەكەم و دووەم بە دەستبهێنن.
لە لایەكی ترەوە یاریزانی عێراقی ئەحمەد عوەید توانی پلەی یەكەم لە راكردنی (5)كم لەسەر ئاستی تەمەن 13 -15 ساڵ بە دەستبهێنێت و لە راكردنی (42كم) بۆ تیپەكان یانەی مینا توانی پلەی دووەم بە دەستبهێنێت.