ئۆنای ئیمری راهێنەری یانەی ڤالنسیای ئیسپانی دڵتەنگی خۆی بە چوونە دەرەوەی یانەكەی لە خولی یانە پاڵەوانەكانی ئەوروپا دەربڕی و گوتی ئێستا بیر لە بردنەوەی نازناوی یۆرۆلیگ دەكەینەوە.
ڤالنسیا دوێنێ تووشی دۆڕان هات بەرامبەر یانەی چێڵسی 3-0 و بەوەش یانەكە هەلی سەركەوتنی بۆ قۆناخی شازدەی خولی یانە پاڵەوانەكانی ئەوروپا لە دەستداو لە خولی یۆرۆلیگ بەشداری دەكات.
ئیمری لە دوای یارییەكە گوتی هیچ شتێكم نییە بۆ ئەوەی سەركۆنەی یاریزانەكانمی پێ بكەم بۆچی نەیانتوانی بگەنە گۆڵی تیپی بەرامبەر.
هەروەها گوتی لە ئێستاوە بردنەوەی نازناوی یۆرۆلیگ دەكەینە ئامانجی خۆمان و كاری بۆدەكەین.
راهێنەری ڤالنسیا سەركەوتنی چێڵسی و بایەرلیڤەركوزنی لە كۆمەڵەكەیدا بۆ قۆناخی داهاتووی چامپیۆنس لیگ بە شیاو ناوبرد و گوتی ناتوانین سەركۆنەی هیچ كەسێك بكەین، سەركەوتنی چێڵسی و بایەرلیڤەركوزن لۆژیكی بوو، ئێمە ئێستا دەبێ بیر لە ئایندەی خۆمان بكەینەوە.