نیماری هێرشبەری یانەی سانتۆسی بەرازیلی بە باشترین یاریزانی وەرزی ئەمساڵی خولی بەرازیلی دەست نیشانكرا كە یانەی كۆرینسیانز توانی بۆ جاری پێنجەم لە مێژووی خۆیدا نازناوەكە بباتەوە.
نیماری 19 ساڵ ركابەریی هەریەك لە دیدی گۆڵچی فاسكۆ دی گاما و لیدسۆنی پورتوگالی هێرشبەری یانەی كۆرینسیانزی دەكرد لەسەر نازناوەكە.
لە بری نیمار باوكی خەڵاتەكەی وەرگرت و دابەشكردنی خەڵاتەكە هاوكات بوو لەگەڵ خۆ ئامادەكردنی یانەی سانتۆس بۆ رووكردنە ژاپۆن لە پێناو بەشداریكردن لە مۆندیالی یانەكان.
نیمار بەهۆی دەنگدانی ژمارەیەك لە پسپۆری تۆپی پێی بەرازیلی و یەكێتیی تۆپی پێی بەرازیلی بۆ ئەو خەڵاتە دەست نیشانكرا.
هەرچەندە نیمار خەڵاتەكەی بردەوە، بەڵام جەماوەری دەنگدەر 450 هەزار دەنگیان بە دیدی دا وەك باشترین یاریزان و لیدسۆن لە پلەی دووەم هات و نیمار سێیەم بوو.