سەرچاوە رۆژنامەوانییەكانی ئیسپانیا ئاشكرایان كرد باتێستای هێرشبەری یانەی مەلەگەی ئیسپانی نەشتەرگەری لە قاچیدا دەكات لە چەند رۆژی داهاتوودا.
باتێستا بەدەست شكانی ئێسكێكی قاچی راستییەوە دەناڵێنێت.
ئەو هێرشبەرە بەرازیلییە ماوەی مانگێكە لە یاریكردن دابڕاوە بەهۆی ئەو پێكانەوە و پێشتر یانەی مەلەگە ئاشكرای كردبوو ئەگەر لەو ماوەیەدا كە بۆی دانراوە شكانەكەی چاك نەبێتەوە، ناچار دەبێت نەشتەرگەری ئەنجام بدات.
یانە ئیسپانییەكە ئاشكرای كرد بەهۆی ئەو نەشتەرگەرییەوە باتێستا ماوەی 6 تا 8 هەفتە لە یاریگاكان دوور دەكەوێتەوە و ئەوەش مانای ئەوەیە لە یەنایەری داهاتوودا دەگەڕێتەوە.