كلارنس سیدۆرفی یاریزانی ناوەڕاستی یانەی میلانی ئیتاڵی گوتی یانەكەم پاڵێوراوێكی بەهێزە بۆ بردنەوەی نازناوی ئەمساڵی خولی یانە پاڵەوانەكانی ئەوروپا.
ئەو یاریزانە قاڵە گوتی كەس ناتوانێ بڵێ میلان پاڵێوراوێكی بەهێز نییە بۆ بردنەوەی نازناوی چامپیۆنس لیگ.
بە پێچەوانەی بۆچوونەكەی سیدۆرفەوە زۆرینەی چاودێرانی تۆپی پێ لەسەر ئەوە كۆكن كە یانەكانی بەرشەلۆنە و ریال مەدرید و بایرن میونشن پاڵێوراوی سەرەكین بۆ بردنەوەی نازناوی پاڵەوانیەتییەكە.
سیدۆرف گوتی دەتوانین بگەینە یاری كۆتایی خولی یانە پاڵەوانەكانی وەرزی ئەمساڵ، لەبەرئەوەی هەموو شتێكك لە تۆپی پێدا ئاساییە و بۆی هەیە رووبدات، تیمی ئێستای میلان زۆر لەو یاریزانانەی تێدایە كە نازناوی خولی یانە پاڵەوانەكانی ئەوروپایان نەبردووەتەوە، ئەوە هاندەر و هەڤڕكییەكی باشە بۆ ئەو یاریزانانە تا تەواوی هەوڵی خۆیان بدەن بۆ بردنەوەی ئەو نازناوە لەگەڵ یانەی میلاندا.