یەكێتیی تۆپی پێی ئینگلتەرا تیروپشكی یارییەكانی قۆناخی پێش كۆتایی جامی كارلینگ كەپی ئاشكرا كرد دوای ئەوەی یانەكانی كریستاڵ پاڵاس، لیڤەرپوول، مانچستەر ستی و كاردیف ستی سەركەوتن بۆ چوارگۆشەی زۆڕینی جامەكە.
یەكێتییەكە ئاشكرای كرد هەردوو یانەی لیڤەرپوول و مانچستەر ستی لەو قۆناخەدا بەیەك دەگەن و یارییەكەی تر هەردوو یانەی كاردیف ستی و كریستاڵ پاڵاس كۆدەكاتەوە.
یاری چوونی ئەو قۆناخەی جامەكە لە 10ی كانوونی یەكەمی داهاتوو لە یاریگای ئیتیحادی تایبە بە مانچستەر ستی و سیلهۆرت پاركی یاریگای كریستاڵ پاڵاس بەڕێوەدەچێت و یاری گەڕانەوە لە 24ی هەمان مانگ لە ئەنفیڵد و یاریگای كاردیف بەڕێوەدەچێت.
یاری كۆتایی وەرزی رابردووی جامی كارلینگ كەپ هەردوو یانەی بێرمنگهام ستی و ئەرسناڵی كۆكردەوە و یانەی بێرمنگهام توانی نازناوەكە بەدەست بێنێت دوای ئەوەی یارییەكەی بردەوە 2-1