سیلڤیۆ بیرلسكۆنی سەرۆك وەزیرانی پێشووی ئیتاڵیا، بڕیاریدا جارێكی تر بگەڕێتەوە بۆ سەرۆكایەتیكردنی یانەی میلان كە موڵكی خۆیەتی دوای ئەوەی دەستی لە پۆستی سەرۆكایەتی حكوومەت هەڵگرت.
بیرلسكۆنی لە وەڵامی پرسیارێكدا كە برۆنۆ ڤیسبای بێژەر و هاوڕێی لێیكرد لەبارەی ئەگەری گەڕانەوەی بۆ سەرۆكایەتیكردنی یانەی میلان گوتی بەڵێ بێگومان.
هەروەها گوتی بەم نزیكانە دەگەڕێمەوە بۆ سەرۆكایەتی یانەی میلان، چونكە من شانازی بە خۆمەوە دەكەم و خۆم بە سەرۆكێكی سەركەوتوو دەزانم، من زۆرترین نازناوم وەك سەرۆكی یانە لەسەر ئاستی ئەوروپا بەدەست هێناوە.
یاسای ئیتاڵی قەدەخەی كردووە خاوەنی پۆستە سیاسییەكانی وڵات لە ماوەی كاری سیاسییاندا هیچ كۆمپانیا و دامەزراوەیەك بەڕێوەببەن كە هەوڵی قازانجكردن دەدات.
بیرلسكۆ لە ساڵی 1986 بووەتە سەرۆكی میلان و بە داڕێژەری سەروەرییەكانی ئەو یانە ئیتاڵییە دادەنرێ.