پیپ گواردیۆلای راهێنەری یانەی بەرشەلۆنەی ئیسپانی دووپاتی كردەوە یانەكەی توانای ئەوەی هەیە جیاوازی 6 خاڵی نێوان بەرشەلۆنە و ریال مەدرید كەم بكاتەوە، بەڵام ئەوە كاری زۆری دەوێت.
سەرەتای ئەم هەفتەیە جیاوازیی خاڵەكانی نێوان ریال مەدریدی پێشەنگ و بەرشەلۆنەی دووەمی خولی ئیسپانیا بۆ 6 خاڵ زیاد بوو دوای ئەوەی ریال مەدرید توانی 4-1 لە ئەتلەتیكۆ مەدرید بباتەوە و بەرشەلۆنەش 1-0 بە یانەی گیتافی دۆڕا.
گواردیۆلا كە خۆی بۆ رووبەڕووبوونەوەی یانەی گرنادا ئامادە دەكات كە یارییەكە ئەمشەو بەڕێوەدەچێت، گوتی پێویستە راستگۆ بین لەگەڵ خۆماندا، جیاوازی نێوانمان لەگەڵ ریال مەدرید گەورە بووە، بەڵام كەمكردنەوەی كارێكی ئەستەم نییە.
پیپ هەروەها گوتی كارەكە بەو قورسییە نییە كە هەندێك بیری لێدەكاتەوە، لەگەڵ ئەم تیپەدا رووبەڕووی كێشی زۆر گەورەتر بوومەتەوە و سەركەوتنم تێدا بەدەست هێناوە.