پیپ گواردیۆلای راهێنەری یانەی بەرشەلۆنەی ئیسپانی هۆكاری دۆڕانی تیپەكەی بەرامبەر یانەی گیتافی لە هەفتەی چواردەیەمی خولی ئیسپانی بۆ ماندووبوونی تیپەكەی گەڕاندەوە.
دوێنێ بەرشەلۆنە یەكەم دۆڕانی لە وەرزی ئەمساڵدا لەسەر دەستی یانەی گیتافی بە ئەنجامی 1-0 چەشت.
راهێنەری بەرشەلۆنە گوتی ئەوە یاری تۆپی پێیە.
هەروەها گوتی لیگا هێشتا درێژە و ئێمە لەسەرەتاداین و كلاسیكۆش چارەنووسی لیگا یەكلاناكاتەوە، بەڵام ئێمە لە ئێستا بیر لە رووبەڕووبوونەوەی ریال مەدرید ناكەینەوە چونكە هێشتا دوو یاریمان پێش ئەو یارییە هەیە.
لەبارەی یارییەكەی دوێنێوە پیپ گوتی هەلی زۆرمان رەخساند و گۆڵمان تۆمار نەكرد، ئێمە ماندووین، كارێكی ئەستەمە بتوانی لە ماوەی 3 رۆژ دوای یاریكردن لەگەڵ میلان تەواوی توانای جەستەیی خۆت بەدەست بهێنیتەوە.
بە دۆڕانەكەی دوێنێی بەرشەلۆنە جیاوازیی خاڵەكانی ئەو یانەیە لەگەڵ ریال مەدریدی پێشەنگ بۆ 6 خاڵ زیاد بوو.