ئەندرێ ڤیلاش بواشی راهێنەری یانەی چێڵسی رەتی كردەوە رەخنە لە یاریزانانی تیپەكەی بگرێت بەهۆی ئەنجامە خراپەكانی ماوەی رابردووی یانەكەیەوە.
چێڵسی 3 یاری لەسەر یەكی لە خولی ئینگلیزی دۆڕاند بەرلەوەی لە ولڤەرمامبتۆ بباتەوە و لە خولی یانە پاڵەوانەكانی ئەوروپاش چوارشەمەی رابردوو بە یانەی بایەر لیڤەركوزنی ئەڵمانی دۆڕا.
بواش گوتی یاریزانان هیچ گوناهێكیان لەو ئاستە خراپەدا نییە و ئەوەی هەیە هەندێك جار هەڵەی خۆمان و هەندێك جاری تریش بێبەختییە.
پێشتر رۆژنامەكانی ئینگلتەرا رەخنەی توندیان لە جۆن تێری كاپتنی یانەكە و فرناندۆ تۆرێسی هێرشبەری گرت و بە هۆكاری سەرەكی ئاستی خراپی تیپەكەیان ناوبرد.
بواش گوتی نە تێری و نە تۆرێس كەمتەرخەم نین لە ناو یاریگادا، ئەوەی بەسەرماندا هاتووە بەرپرسیاریەتی هەموومانە و دەبێ هەوڵی چاككردنی بدەین و یاری دوای یاری ئاستی خۆمان بەرەو پێش دەبەین.