نیكۆلاس ئەنێلكای هێرشبەری فەرەنسی بەناوبانگ نزیكە لە قبوڵكردنی دەستەوارەیەكی یانەی شەنگهای چینی.
رۆژنامەی لیكیپی فەرەنسی بە پشت بەستن بە سەرچاوەی نادیاری گواستەوە كە ئەنێلكای هێرشبەری چێڵسی لەگەڵ یانەی سەنگهای رێكەوتووە بۆ ئەوەی لە هاوینی 2012 پەیوەندی بەو یانەیەوە بكات.
رۆژنامەكە ئاشكرای كردووە ئەنێلكا مووچەی ساڵانە بە بڕی 10 ملیۆن یۆرۆ لەو یانەیە وەردەگرێت.
ئەنێلكا كە ساڵی 2000 نازناوی خولی یانە پاڵەوانەكانی ئەوروپای لەگەڵ ریال مەدریدی ئیسپانی بەدەست هێناوە، لەگەڵ ئەندرێ ڤیلاش بواشی راهێنەری نوێی چێڵسیدا لە دۆخێكی باشدا نییە و لەوەتەی ئەو راهێنەرە هاتووە، ئەنێلكا لە 18 یاری تیپەكەیدا لە 13 یاریدا یاریزانی یەدەگ بووە.
لیكیپ گوتی ئەنێلكا لە چەند هەفتەی رابردوودا دانووستانی لەگەڵ ئەی سی میلان و پاریس سانجێرمان و ئینجی رووسیدا كردووە و چەند یانەیەكی ئەمەریكیش پەیوەندییان پێوە كردووە بۆ چوونە ریزیانەوە.