یەكێتیی تۆپی پێی ئینگلیزی ئاشكرای كرد سزای ئەندرێ ڤیلاش بواشی راهێنەری چێڵسی داوە بە تاوانەكردنی بە بڕی 12 هەزار پاوەند كە دەكاتە نزیكەی 19 هەزار دۆلار، هەروەها هۆشداری دایە ئەو راهێنەرە لە ئاكار و هەڵسوكەوتەكانی لە داهاتوودا دوای ئەوەی تۆمەتباركرا بە هەڵسوكەوتی نەشیاو بەهۆی لێدوانی بەرامبەر ناوبژیوانانی خولی ئینگلیزییەوە.
راهێنەرە پورتوگالییەكە كە پێشتر ئەو تۆمەتانەی رەتكردبووەوە، توڕەیی خۆی بەرامبەر ناوبژیوانی یاری یانەكەی بەرامبەر یانەی كوینز پارك رینجەرز پێشان دا دوای ئەوەی تیپەكەی یارییەكەی بە ئەنجامی 1-0 دۆڕاند بەهۆی دەركردنی دوو یاریزانی یانەی چێڵسی لەو یارییەدا.
ڤیلاش گوتبووی ناوبژیوانێكی خراپ بوو و بووە هۆی دۆڕانی تیپەكەم.
راهێنەرەكەی ئێستای چێڵسی كە هاوینی رابردوو ئەركی ئەو یانەیەی گرتە ئەستۆ، ئێستا لە ژێر فشارێكی زۆری هاندەرانی یانەكەدایە دوای ئەوەی هەفتەی رابردوو لە بەرامبەر یانەی لیڤەرپوولدا سێیەم یاری لە وەرزی ئەمساڵی خولی ئینگلیزیدا دۆڕاند.