. هێرشبەری هەڵبژاردەی كۆڵۆمبیا رادمیل فالكاو ئەستێرەی یانەی ئەتڵەتیكۆ مەدریدی ئیسپانی هیوای ئەوەی خواست زوو لە پێكانەكەی چاكبێتەوە و بتوانێت بەشداری لەیاری دێربی مەدرید بكات، كە لەنێوان هەردوو یانەی ریاڵ مەدرید و ئەتڵەتیكۆ مەدرید لە 26ی ئەم مانگە لە یاریگای سانتیاگۆ بەرنابیۆ بەڕێوە دەچێت.
فالكاو پێش ئەنجامدانی یارییەكانی پاڵاوتنی مۆندیالی بەرازیل 2014لە مەشقەكانی هەڵبژاردەی كۆڵۆمبیا تووشی پێكان هات بەرامبەر هەڵبژاردەكانی ڤەنزوێلا و ئەرژەنتین، لەدوای گەڕانەوەی بۆ شاری مەدرید ڕاپۆرتێكی پزیشكانی كۆڵۆمبیای پێشكەش بە پزیشكانی یانەكەی كرد و هیوای ئەوەی خواست كە قۆناغەكانی چاكبوونەوەی بەباشترین شێوە بڕوات و زوو بگەڕێتەوە یاریكردن بۆ بەشداریكردن لەیاری دێربی مەدرید.
فالكاو دەربارەی بارودۆخی یانەكەی لە خولی ئیسپانیا و پێكانكەی دووپاتی كردەوە كە زۆر دڵتەنگە لەكاتی ئەم پێكانە و هیوای ئەوەی خواست یانەی ئەتڵەتیكۆ لەیارییەكانی داهاتوو باشتر یاری بكات.