كارلۆس پۆیۆلی كاپتنی یانەی بەرشەلۆنەی ئیسپانی پێی وایە زڵاتان ئیبراهیمۆڤیجی هێرشبەری پێشووی یانەكە هاندەرێكی گەورەی دەبێت لە یاری داهاتووی بەرشەلۆنە و میلان لە خولی یانە پاڵەوانەكانی ئەوروپا بۆ تۆڵەكردنەوە.
هەموو ئەگەرێكی گەڕانەوەی زڵاتان لە سێپتێمبەری رابردوودا كۆتایی هات كاتێك ئەو یاریزانە رەخنەی لە گواردیۆلای راهێنەری یانە ئیسپانییەكە گرت.
ئیبرا لە یاری پێشووی نێوان هەردوو یانە لەسەر یاریگای كامپ نو بەشداریی نەكرد بەهۆی پێكانەوە.
پۆیۆل گوتی من پەیوەندییەكی باشم لەگەڵ ئیبرادا هەبوو.
بەڵام گوتی ئەو یاریزانە ئێستا دەیەوێ تۆڵە لە بەرشەلۆنە بكاتەوە و بە هێزێكی زۆرەوە یاریمان بەرامبەر دەكات.