ئەندرێ ڤیلاش بواشی راهێنەری یانەی چێڵسی ئینگلیزی گوتی ئێستاش فرناندۆ تۆرێس شایستەی ئەو 58 ملیۆن یۆرۆیەیە كە یانەی چێڵسی پێی داوە.
تۆرێس لە 30 یاریدا لەگەڵ یانەی چێڵسی تەنیا 5 گۆڵی تۆمار كردووە و ئەوەش وایكردووە ئەو یاریزانە رووبەڕووی رەخنەی زۆر ببێتەوە.
كاتێك رۆژنامەنووسەكان لەبارەی تۆرێسەوە پرسیاریان لە بواش كرد، ئەو گوتی بێگومان ئەو هێشتا شایستەی ئەو نرخەیە، كارەكە تەنیا ئەوە نییە چەند گۆڵ تۆمار دەكات، بەڵكە ئەوە گرنگە چەند هەل بۆ هاوڕێكانی دروست دەكات تا گۆڵ بكەن.
راهێنەرە پورتوگالییەكە دووپاتی كردەوە نینۆ یەك لە باشترین یاری دروستكەرەكانی ئەم وەرزەی ئینگلتەرایە و گوتی چەندین یاریمان بەهۆی تۆپ ناردنەكانی ئەوەوە بردووەتەوە
تۆرێس تا ئێستا خاوەنی گەورەترین گرێبەستە لە مێژووی یانەكانی ئینگلتەرادا دوای ئەوەی لە لیڤەرپوولەوە رووی كردە چێڵسی لە زستانی رابردوودا.