مارادۆنا رەتی كردەوە رای خۆی سەبارەت بە ئەنجامی یاری كلاسیكۆی ئیسپانیا لە نێوان بەرشەلۆنە و ریال مەدرید بدات.
هەردوو یانە لە 9ی مانگی داهاتوو لەسەر یاریگای سانتیاگۆ برنابیۆ بەیەك دەگەن.
مارادۆنای راهێنەری یانەی وەسڵی ئیماراتی گوتی پێشبینی كردن بۆ یاری نێوان ریال مەدرید و بەرشەلۆنە قورسە، چونكە هەلی هەردوو تیپ بۆ بردنەوەی یارییەكە وەك یەك وایە.
ئەو راهێنەرە هەروەها گوتی جیاوازی نێوان بەرشەلۆنە و ریال مەدرید زۆر نییە و لە چەند ساڵی رابردوودا بەختی بەرشەلۆنە گەورە بوو بۆ بردنەوەی نازناوەكان و سەركەوتن، بەڵام ئێستا دۆخەكە گۆڕاوە.
لەلایەكی ترەوە مارادۆنا ئامادەیی خۆی بۆ چوونە بەردەم دادگای ئەرجەنتین دەربڕی بەهۆی ئەو تۆمەتانەوەی ئاراستەی كراون دوای ئەوەی قسەی بە باپتێستای راهێنەری پێشووی هەڵبژاردەی ئەرجەنتین گوت.