هانز یواكیم فاتسكەی سەرۆكی جێبەجێكاری یانەی برووسیا دۆرتمۆندی ئەڵمانی پێشبینی كرد یارییەكە بەهێز هەردوو یانەی بایرن میونشن و برووسیا دۆرتمۆند كۆبكاتەوە كاتێك هەردوو یانە شەمەی داهاتوو لە یاریگای ئەلیانز ئەرینا بەیەك دەگەن و گوتی بڕوام بەوە هەیە تیپەكەم توانای پارێزگاری لە نازناوی خولی ئەڵمانی هەیە.
برووسیا دۆرتمۆند وەرزی رابردوو بردنەوەیەكی مێژوویی بەسەر بایرن میونشندا بە ئەنجامی 3-1 تۆمار كرد لە هەمان یاریگادا، بەڵام یواكیم دەڵێ ئەمساڵ بایرن میونشن زۆر بەهێزترە و توانای بردنەوەی نازناوی خولی ئەڵمانیای لە ساڵانی پێشوو بەهێزترە.
فاتسكە لە لێدوانی بۆ رۆژنامەنووسان گوتی شەمەی داهاتوو دژی پاڵەوانی ئەڵمانیا یاری دەكەین كە تیپێكی جیهانی هەیە و توانای ئەوەی هەیە نازناوی خولی یانە پاڵەوانەكانی ئەوروپا بباتەوە، بەڵام ئەم یارییە یاری ساڵە بۆ بایرن میونشن كە ماوەی 9 مانگە چاوەڕێی ئەو رۆژە دەكات بۆ ئەوەی تۆڵەی وەرزی رابردوومان لێ بكاتەوە.