یانەی مانچستەر یونایتدی ئینگلیزی گرێبەستی لەگەڵ منداڵێكی 5 ساڵاندا كرد كە پێشبینی دەكرێ لە داهاتوودا ببێتە یاریزانێكی گەورە.
منداڵەكە ناوی چارلی جاكسۆنە و رۆژنامەی دەیلی میلی بەریتانی ئاشكرای كرد یانەی مان یونایتد چاودێری ئەو منداڵە دەكات لەوكاتەوەی تەمەنی 3 ساڵان بووە.
لەبارەی تواناكانییەوە رۆژنامەكە دەڵێ توانایەكی گەورەی لە كۆنترۆڵكردنی تۆپدا هەیە و لێدانەكانی زۆر وردن.
ئاندی باوكی چارلی كە ئاشكرای كرد زیاتر مانچستەر ستی خۆشدەوێ تا مان یونایتد گوتی چارلی یاریزانێكی بەهرەمەندە و دەبێتە یەك لە ئەستێرە گەورەكانی تۆپی پێی ئینگلیزی.
هەروەها ئاشكرای كرد كوڕەكەی بە ئاستی ماریۆ بالۆتێلی سەرسامە و لەوانەیە خۆیشی رۆژێك لە رۆژان ببێتە یاریزانی مان ستی چونكە ئەویش وەك من ئەو یانەیەی خۆشدەوێ.