بەپێی رۆژنامەی ماركای ئیسپانی لەوانەیە هەڵبژاردەكانی ئیسپانیا، ئەڵمانیا، پورتوگال و فەرەنسا بكەونە یەك كۆمەڵەوە لە پاڵەوانیەتیی یۆرۆی داهاتوو كە لە هاوینی داهاتوودا لە پۆڵەندا و ئۆكرانیا ئەنجام دەدرێت، ئەمەش بەهۆی پلەبەندكردنی ئەو چوار هەڵبژاردەیەوە لە 4 ئاستی جیاوازدا لە تیروپشكی پاڵەوانیەتییەكە.
بەپێی پۆلێنكردنەكە هەڵبژاردەی ئیسپانیا لە ئاستی یەكەم دەبێت لەگەڵ هەڵبژاردەكانی هۆڵەندا و پۆڵەندا و كرواتیا و ئەڵمانیا لە ئاستی دووەمە لەگەڵ ئیتاڵیا و ئینگلتەرا و رووسیا و پورتوگال لە ئاستی سێیەمە لەگەڵ هەڵبژاردەكانی سوێد و یۆنان و كرواتیا و فەرەنسا لە ئاستی چوارەمە لەگەڵ هەڵبژاردەكانی دانیمارك و چیك و ئێرلەندا.
تیروپشكی پاڵەوانیەتییەكە لە 2ی دیسەمبەری داهاتوو لە كێڤی ئۆكرانیا ئەنجام دەدرێت و 16 هەڵبژاردەی بەشداری پاڵەوانیەتییەكە دابەشی سەر 4 كۆمەڵە دەكرێن و لەوانەیە ئەو چوار هەڵبژاردەیەی سەرەوە بكەونە یەك كۆمەڵەوە.