فابیۆ كاپیلۆی راهێنەری هەڵبژاردەی ئینگلتەرا دووپاتی كردەوە كە دیڤید بێكهامی ئەستێرەی یانەی گالاكسی ئەمەریكی لە پێكهاتەی ئینگلتەرادا نابێت بۆ بەشداریكردن لە یۆرۆی 2012 كە هاوینی داهاتوو ئەنجام دەدرێت.
كاپیلۆ كاتێك پرسیاری لێكرا لەبارەی پێكهاتەی هەڵبژاردەكەیەوە بۆ یۆرۆی 2012 گوتی پێم وایە بێكهام لەو پێكهاتەیەدا نابێت، بەڵام لەوانەیە لە ئۆڵۆمپیادی لەندەندا بەشداری بكات.
بێكهام لە مۆندیالی رابردوودا یەكێك بوو لە ئەندامانی دەستەی بەڕێوەبردنی هەڵبژاردەكە و كاپیلۆ ئەو كات پەسنی ئەوی كرد و گوتی كاریگەریی زۆری لەسەر یاریزانەكان هەبووە.
بەڵام كاپیلۆ رەتی كردەوە هەمان شت لە یۆرۆی 2012 دووبارە بكاتەوە و گوتی بیرم لە شتی وانەكردووەتەوە و ئەوە لە پلانی مندا نییە.