رۆژنامەی لاگازیتا دیلۆ سپۆرتی ئیتاڵی گوتی یانەی میلانی ئیتاڵی بیر لەوە دەكاتەوە لە ماوەی گواستنەوەی زستانەی ئەمساڵدا جێگرەوەیەك بۆ ئەنتۆنیۆ كاسانۆی هێرشبەری یانەكە بدۆزێتەوە كە جەڵتەی دڵ لێی داوە و پێناچێ بەو نزیكانە بگەڕێتەوە یاریگاكان.
رۆژنامەكە ئاشكرای كردووە كە میلان دوو یاریزانی بۆ شوێنگرتنەوەی كاسانۆ دیاری كردووە كە هەردووكیان هێرشبەری چێڵسین و ئەوانیش نیكۆلا ئەنێلكای فەرەنسی و دیدێ درۆگبای كۆتدیڤواری.
بەپێی رۆژنامەكە میلان ئەمساڵ نایەوێ بە ئاسانی دەستبەرداری نازناوی خولی ئیتاڵیا و خولی یانە پاڵەوانەكانی ئەوروپا ببێت و ویستی بردنەوەی هەردوو نازناوەكەی هەیە، بۆیە بیر لەوە دەكاتەوە لە زستاندا ریزەكانی بەیەكێك لەو دوو هێرشبەرە پڕ بكاتەوە بە تایبەت كە لەوانەیە كاسانۆ تا وەرزی داهاتوو توانای یاریكردنی نەبێت.