رۆبەرتۆ مانچینی راهێنەری یانەی مانچستەر ستی ئینگلیزی پێی وایە هەڵبژاردەی ئینگلتەرا پاڵێوراوێكی بەهێزە بۆ بردنەوەی نازناوی یۆرۆی 2012.
مانچینی لە لێدوانی بۆ رۆژنامەی دەیلی میلی بەریتانی گوتی هەڵبژاردەی ئینگلتەرا یاریزانی بەهێز و چاكی هەیە و پێكهاتەیەكی تێكەڵەی هەیە لە یاریزانانی بە ئەزموون و یاریزانانی لاو و ئەم پێكهاتەیە هەلێكی باش دەداتە كاپیلۆ لە یۆرۆی 2012.
هەروەها گوتی كاپیلۆ راهێنەرێكی مەزنە و ئێستا سەرپەرشتی هەڵبژاردەیەكی مەزن دەكات و بردنەوە لە ئیسپانیا كە باشترین تیپی ئێستای ئەوروپا و جیهانە كارێكی نایابە و ئەمە هەلی ئەوە دەخاتە بەردەست كاپیلۆ تیپێكی باش لە ماوەی 6 مانگی داهاتوودا بۆ یاریكردن لە یۆرۆی 2012 دروست بكات.
مانچینی خۆشحاڵی خۆی بە راوەستانی یاری خولەكان دەربڕی بۆ ماوەی هەفتەیەك بەهۆی یارییە نێودەوڵەتییەكان و گوتی ئەوە فرێشمان دەكاتەوە.