رۆژنامەی دەیلی میلی ئینگلیزی ئاشكرای كرد هەرسێ یانە زەبەلاحەكەی ئیتاڵیا یۆڤنتۆس و میلان و ئینتەر میلان لە هاوینی ئەمساڵدا هەوڵی گرێبەستكردن لەگەڵ لویس نانی یاریزانی مانچستەر یونایتد دەدەن.
هاوینی داهاتوو نانی تەنیا 2 ساڵ گرێبەستی لەگەڵ مانچستەردا دەمێنێت.
سێر ئەلێكس فێرگسۆنی راهێنەری مانچستەر یونایتد ماوەی لەبەردەستدا دەبێت بۆ بڕیاردان لە چارەنووسی نانی بە مانەوە یان فرۆشتنی بە پارەیەكی باش، چونكە ئەو یاریزانە لە هاوینی 2013 تەنیا یەك ساڵ لە گرێبەستەكەی دەمێنێت لەگەڵ شەیتانە سوورەكان و بەوەش نرخی دادەبەزێت.
رۆژنامەكە دووپاتی كردووەتەوە كە هەرسێ یانە ئیتاڵییەكە ئامادەیی كڕینی نانییان هەیە و هەریەك لەو یانانە بیانووی بۆ پێویستی بە بوونی نانی لە ریزەكانیدا هەیە.