سەرچاوە رۆژنامەوانییەكانی ئینگلتەرا ئاشكرایان كردووە یانەی ریال مەدریدی ئیسپانی و جۆزێ مۆرینۆی راهێنەری یانەكە ویستی كڕینی نایگڵ دی یۆنگی بەرگریكەری یانەی مانچستەر ستییان هەیە لە ماوەی گواستنەوەی زستانەی ئەمساڵدا.
رۆژنامەی دەیلی ستاری بەریتانی دەڵێ مۆرینۆ وای دەبینێت كە دی یۆنگ هێزێكی زیاتر بە ناوەڕاستی بەرگری ریال مەدرید دەدات.
رۆژنامەكە دەڵێ مۆرینۆ بەهرە دۆزەرەوەكانی خۆی بۆ چاودێریكردنی ئەو یاریزانە ناردووە لە كاتی یاری مانچستەر ستی بەرامبەر ڤیاریال لە خولی یانە پاڵەوانەكانی ئەوروپا لە سەرەتای ئەم مانگەدا كە یارییەكە 3-0 لە بەرژەوەندی مان ستی كۆتایی هات.
بەپێی رۆژنامەكە نرخی ئەو یاریزانە بەپێی ئەوەی مۆرینۆ پێشبینی كردووە 20 ملیۆن یۆرۆیە و ئامادەیە بۆ دانی ئەو پارەیە.