لیۆنارد كیۆ سی دادەوەر بڕیاریدا ساڵی داهاتوو هاری ریدناپی راهێنەری تۆتنهام و میلان مانداریچی سەرۆكی پێشووی یانەی پۆرتسمۆس بە تۆمەتی خۆ دزینەوە لە دانی باج بداتە دادگا.
ئەو دادوەرە رۆژی 23 كانوونی دووەمی ساڵی داهاتووی بۆ دادگاییەكە داناوە.
ریدناپ ئێستا لە قۆناخی چاكبوونەوەدایە دوای ئەوەی هەفتەی رابردوو لە تەمەنی 64 ساڵیدا نەشتەرگەریی دڵی ئەنجامدا و ئێستا پاڵێوراوێكی بەهێزە بۆ ئەوەی جێگەی فابیۆ كاپیلۆ بگرێتەوە لە مەشقدانی هەڵبژاردەی ئینگلتەرا دوای یۆرۆی 2012.
ریدناپ و مانداریچ رەتیان كردەوە هیچ هەڵەیەكیان لە دانی باجدا كردبێت و گوتیان ئەوەی روودەدات تۆمەتێكی ناڕاستە دەخرێتە پاڵیان.
پێشبینی دەكرێ دادگاییكردنی ئەو دوو كەسایەتییە ماوەی 2 هەفتە بخایەنێت.