هەڵبژاردەی ئەرجەنتین و میسی ئەستێرەی یەكەمی ئەو هەڵبژاردەیە رۆژ دوای رۆژ جەماوەریەتی خۆیان لە دەست دەدەن بەهۆی ئەو ئاستە نزمەوەی كە لە یارییەكاندا پێشكەشی دەكەن و بەرپرسانی یەكێتیی تۆپی پێی ئەرجەنتین ئاشكرایان كرد یارییەكەی دوێنێی نێوان ئەرجەنتین و پۆلیڤیا كە 1-1 كۆتایی هات، وێستگەیەكی تر بوو لە دابەزینی گەلویستیی میسی كاتێك ژمارەیەكی زۆری بلیتەكانی ئەو یارییە مانەوە بێئەوەی بفرۆشرێن.
هەروەك ئەوەی لە یاری یەكەمی هەڵبژاردەی ئەرجەنتین بەرامبەر شیلی كە 4-1 لە بەرژەوەندی ئەرجەنتین كۆتایی هات، بە هەمان شێوە لە یارییەكەی دوێنێشدا نیوەی كورسییەكانی یاریگا بە چۆڵی مانەوە دوای ئەوەی لە كۆی 40 هەزار و 271 بلیتی یارییەكە تەنیا 22 هەزاریان فرۆشران.،
لە دوای چوونە دەرەوەی هەڵبژاردەی ئەرجەنتین لە جامی كۆپا ئەمەریكای ئەمساڵ و بەردەوام بوونی میسی لە ئاستی خراپی خۆی لەگەڵ هەڵبژاردەی ئەرجەنتین، ژمارەی هاندەرانی هەڵبژاردەكە تا دێ كەمتر دەبێتەوە و لە یارییەكەی دوێنێشدا میسی نەیتوانی هیچ بكان و جارێكی تر دووپاتی كردەوە میسی بەرشەلۆنە زۆر جیاوازە لە میسی ئەرجەنتین.