رۆژنامەكانی بەرازیل ئاشكرایان كرد نوێكردنەوەی گرێبەستی نیماری هێرشبەری بەرازیلی لەگەڵ یانەی سانتۆسدا تەنیا بۆ هەڵخەڵەتاندنی یانەی ریال مەدریدی ئیسپانییە كە دەیەوێ ئەو یاریزانە بباتە ریزەكانی خۆیەوە.
دوو رۆژ لەمەوبەر یانەی سانتۆس كە نیمار یاری بۆ دەكات ئاشكرای كرد گرێبەستی ئەو یاریزانەی نوێ كردووەتەوە و سزای هەڵوەشاندنەوەی گرێبەستەكەشی بڕی 60 ملیۆن یۆرۆیە.
رۆژنامەكانی بەرازیل و لە سەرووی هەموویانەوە رۆژنامەی ئەستاداو گوتیان نوێكردنەوەی گرێبەستەكە تەنیا خۆڵكردنە چاوی یانەی ریال مەدریدە بۆ ئەوەی بەهۆی ئەو كارەوە یانەكە پارەی زیاتر لە فرۆشتنی نیماردا لەو یانەیە وەربگرێت.
هەرچی رۆژنامەی گلۆبۆی بەناوبانگە گوتی نوێكردنەوەی گرێبەستی نیمار ئامانجی تری لە پشتەوەیە جیا لە هێشتنەوەی یاریزانەكە.