راپۆرتە رۆژنامەوانییەكانی ئیسپانیا ئاشكرایان كرد یانەی بەرشەلۆنە هەوڵەكانی چڕ كردووەتەوە بۆ گرێبەستكردن لەگەڵ گاریس بەیڵی لاباڵی یانەی تۆتنهامی ئینگلیزی. ئەمەش لە ماوەی گواستنەوەی زستانەی داهاتوودا ئەگەر یانەكە سەركەوتوو نەبێت لە نوێكردنەوەی گرێبەستی ئیریك ئەبیدالی فەرەنسی.
رۆژنامەی ئاسی ئیسپانی گوتی پیپ گواردیۆلای راهێنەری بەرشەلۆنە نوێنەری خۆی بۆ لەندەن ناردووە بۆ چاودێریكردنی ئاستی بەیڵی تەمەن 22 ساڵ.
رۆژنامەكە دەڵێ نوێنەرەكەی گواردیۆلا ئەلبێرت فالنتی یەكێك لە ئەندامانی دەستەی تەكتیكی یانەی بەرشەلۆنە بووە و ئەو كەسە هەفتەی پێشوو لە یاریگای كۆڤن كۆتاج بینراوە لە كاتی بەڕێوەچوونی یاری نێوان تۆتنهام هۆتسپێر و فولهامدا كە یارییەكە 3-1 لە بەرژەوەندی تۆتنهام كۆتایی هات و بەیڵ گۆڵێكی تۆمار كرد.
بەیڵ گرێبەستی خۆی لەگەڵ یانەی تۆتنهامدا نوێكردووەتەوە بە مووچەی هەفتانەی 88 هەزار پاوەند و پێشبینی دەكرێ یانەی تۆتنهام لە فرۆشتنی ئەو یاریزانەدا داوای 41 ملیۆن یۆرۆ بكات.