لیستی یاریزانە پاڵێوراوەكان بۆ نازناوی باشترین یاریزانی جیهان، ناوی 8 یاریزانی بەرشەلۆنە و 5 یاریزانی ریال مەدریدی تێدایە.
یەكێتیی تۆپی پێی نێودەوڵەتی ئەمڕۆ ناوی پاڵێوراوەكان لە لیستی دووەمدا بۆ 23 یاریزان كەم دەكاتەوە.
ئەو یاریزانانەی بەرشەلۆنە كە ناویان لە لیستەكەدا هەیە بریتین لە میسی خاوەنی نازناوەكە لە دوو ساڵی رابردوودا، چاڤی هێرناندێز، ئەندرێس ئینێستا، پیكێ، سیسك فابریگاس، دانی ئەلڤێش و داڤید ڤیا و ئیریك ئەبیدال.
هەرچی ریال مەدریدە یاریزانەكانی بریتین لە رۆناڵدۆ، مەسعوود ئۆزێل و سامی خدیرە، ئیكەر كاسیاس و چابی ئەلۆنسۆ.
رۆژی 5ی ئۆكتۆبەری داهاتوو ناوی پاڵێوراوانی نێو لیستەكە كەم دەكرێتەوە بۆ 3 یاریزان و ناوی براوەی خەڵاتەكە لە یەنایەری داهاتوودا لە شاری زیوریخی سویسری ئاشكرا دەكرێت.