رۆژنامەی ئاسی ئیسپانی راپۆرتێكی تایبەت بە یاریزان كریستیانۆ رۆنالدۆ بڵاوكردەوە دوای ئەوەی هاتریكی بەرامبەر یانەی مالاگە تۆمار كرد لەو یارییەی كە بەسەركەوتنی یانەی ریال مەدرید كۆتایی هات بە ئەنجامی (4-0) گۆڵ لە خولی یانەكانی ئیسپانیا، لە راپۆرتەكەدا جەخت لە سەر ژمارەی هاتریكەكانی رۆنالدۆ كرایەوە كە تا ئێستا 11 هاتریكی لە گەڵ یانەی شاهانە تۆماركردووە لە ماوەی دوو وەرز و نیودا، رۆژنامەكە بەراوردێكی نێوان هاتریكەكانی هەردوو یاریزان میسی و كریستیانۆ ئەنجامدا و روونیكردەوە میسی لە ماوە 7 وەرز لەگەڵ یانەی بەرشلۆنە تەنها 12 هاتریكی تۆمار كردووە بەرامبەر بە 11 هاتریك بۆ كریستیانۆ لە ماوەی كەمتر لە سێ وەرزدا.
راپۆرتەكە ئاماژەی بە وەش كرد كە كریستیانۆ نزیك دەبێتەوە لە ژمارەی پێوانەیی هاتریكەكانی هەردوو یاریزانی پێشووی یانەی ریال مەدرید ئەلفریدۆ دی ستیڤانۆ خاوەن 27 هاتریك و بۆشكاش خاوەن 17 هاتریك لە مێژووی یانەی شاهانەدا.