دوێنێ تیروپشكی پاڵەوانیەتیی جامی نەتەوەكانی ئەفەریقای 2012 راكێشرا كە سەرەتای ساڵی داهاتوو لە غینیای ئیستیوائی و گابۆن ئەنجام دەدرێ، هەردوو هەڵبژاردەی تونس و مەراكیشی خستە یەك كۆمەڵەوە
بەپێی تیروپشكەكە كۆمەڵەی یەكەم بریتییە لە هەڵبژاردەكانی گینیای ئیستیوائی، زامبیا، سەنیگال و لیبیا و كۆمەڵەی دووەم بریتییە لە هەڵبژاردەكانی كۆتدیڤوار، ئەنگۆلا، بۆركینا فاسۆ و سۆدان و كۆمەڵەی سێیەم بریتییە لە هەڵبژاردەكانی گابۆن، تونس، مەراكیش و نەیجەر و كۆمەڵەی چوارەمیش بریتییە لە هەڵبژاردەكانی گانا، مالی، گینیا و بۆتسوانا.
لە یاری كردنەوەی پاڵەوانیەتییەكەدا هەڵبژاردەی گینیای ئیستوائی رووبەڕووی هەڵبژاردەی لیبیا دەبێتەوە و رۆژی 12ی فبرایەری داهاتوو یاری كۆتایی پاڵەوانیەتییەكە ئەنجام دەدرێ.