سەمیر نەسری یاریزانی یانەی مانچستەر ستی ئینگلیزی پێی وایە تیپەكەی بە بەردەوام بوون لەسەر ئەو ئاستەی ئێستا تا كۆتایی وەرزی ئەمساڵ، دەتوانێ نازناوی خولی ئینگلیزی بباتەوە و گوتی بەردەوام بوونی بەو شێوەیە باشترین رێگەیە بۆ بردنەوەی نازناوەكە، چونكە ئێمە خاوەنی باشترین راهێنەرین.
نەسری گوتی پێویستە چاو بدەینە سەر یارییەكانی داهاتوومان و تا دوا هەفتەی خولەكە لەسەر ئەم ریتمە یاریكردنە بەردەوام بین بۆ بردنەوەی نازناوەكە، چونكە لە ئینگلتەرا زۆر ئاساییە تۆ تا 4 هەفتەی كۆتایی خولەكە لە پێشەنگ بیت، بەڵام لە 4 هەفتەی كۆتاییدا نازناوەكە لە دەست بدەیت بەهۆی ئەنجامی خراپی یارییەك یان دووانەوە.
هەروەها گوتی ئێمە ئەزموون و توانای جەستەیی پێویستمان هەیە بۆ بردنەوەی نازناوەكە و هیوادارم لە كۆتایی وەرزی ئەمساڵدا ئەوە بەدەست بێنین.